Perde 4
SYRUS
Videndum est, inquam,
Amici quoque res, Clinia, tui in tuto ut collocetur:
695
Nam si nunc a nobis abis, et Bacchidem hic relinquis,
Noster resciscet ilico esse amicam hanc Clitiphonis:
Si abduxeris, celabitur itidem ut celata adhuc est.
CLINIA
At enim istoc nihil est magis, Syre, meis nuptiis adversum:
Nam quo ore appellabo patrem? Tenes quid dicam?
700
CLINIA
Quid dicam? quam causam afferam?
SYRUS
Quin nolo mentiare.
Aperte ita ut res sese habet narrato.
Illam te amare et velle uxorem: hanc esse Clitiphonis.
CLINIA
Bonam atque iustam rem oppido imperas, et factu facilem;
Et scilicet iam me hoc voles patrem exorare ut celet
705
SYRUS
Immo, ut recta via rem narret ordine omnem.
