Perde 4
[Textpart 1]
Nisi me animus fallit, hic profecto est annulus quem ego suspicor
SOSTRATA
Is quicum exposita est gnata.
615
CHREMES
Quid volt sibi, Syre, haec oratio?
615
SOSTRATA
Quid est? isne tibi videtur?
NUTRIX
Dixi equidem ubi mihi ostendisti ilico
SOSTRATA
At ut satis contemplata modo sis, mea nutrix.
SOSTRATA
Abi iam nunc intro, atque illa si iam laverit mihi nuntia:
Hic ego virum interea opperibor.
SYRUS
Te vult: videas, quid velit.
Nescio quid tristis est: non temere est: metuo quid sit.
620
Nae, ista hercle magno iam conatu magnas nugas dixerit.
SOSTRATA
Te ipsum quaero.
CHREMES
Loquere quid velis.
SOSTRATA
Primum hoc te oro ne quid credas me adversum edictum tuum
