Perde 3
[Textpart 2]
Non est mentiri meum.
SYRUS
At heus tu, facitodum eadem haec memineris,
550
Si quid huius simile forte aliquando evenerit,
Ut sunt humana, tuus ut faciat filius.
CHREMES
Non usus veniet, spero.
SYRUS
Spero hercle ego quoque.
Neque eo nunc dico, quo quicquam illum senserim:
Sed si quid, ne quid. Quae sit eius aetas vides.
555
Et nae ego te, si usus veniat, magnifice, Chreme,
CHREMES
De istoc, quum usus venerit,
Videbimus quid opus sit: nunc istuc age.
SYRUS
Nunquam commodius unquam herum audivi loqui,
Nec quum male facerem crederem mihi impunius
560
Licere. Quisnam a nobis egreditur foras?
[Textpart 3]
Quid istuc, quaeso? qui istic mos est, Clitipho? itane fieri oportet?
CHREMES
Vidine ego te modo manum in sinum huic meretrici
