Perde 2
[Textpart 3]
Ego vero audio nunc demum et video et valeo, Clitipho.
DROMO
Minime mirum, adeo impeditae sunt: ancillarum gregem
245
CLINIA
Perii. Unde illi sunt ancillae?
SYRUS
Non oportuit relictas: portant quid rerum!
SYRUS
Aurum, vestem: et vesperascit, et non noverunt viam.
Factum a nobis stulte est: abidum tu, Dromo, illis obviam,
CLINIA
Vae misero mihi, quanta de spe decidi!
250
CLITIPHO
Quid istuc? quae res te sollicitat autem?
CLINIA
Rogitas quid siet?
Viden tu ancillas, aurum, vestem? quam ego cum una ancillula
Hic reliqui. Unde ea esse censes?
CLITIPHO
Vah! nunc demum intelligo.
SYRUS
Di boni, quid turbae est? aedes nostrae vix capient, scio.
Quid comedent? quid ebibent? quid sene erit nostro miserius?
255
Sed video eccos quos volebam.
CLINIA
O Iupiter, ubinam est fides?
