Perde 4
[Textpart 2]
Iam inquam hic adero.
715
[Textpart 3]
Nihilne esse proprium cuiquam? Di vestram fidem:
MYSIS
Summum bonum esse herae putavi hunc Pamphilum,
Amicum, amatorem, virum in quovis loco
Paratum: verum ex eo nunc misera quem capit
Dolorem! facile hic plus mali est, quam illic boni.
720
Sed Davus exit. Mi homo quid istuc obsecro est?
DAVUS
Mysis nunc opus est tua
Mihi ad hanc rem exprompta memoria atque astutia.
MYSIS
Quidnam incepturus?
DAVUS
Accipe a me hunc ocius,
Atque ante nostram ianuam appone.
725
DAVUS
Ex ara hinc sume verbenas tibi
MYSIS
Quamobrem id tute non facis?
DAVUS
Quia si forte opus sit ad herum iurandum mihi
Non apposuisse ut liquido possim.
