Perde 3
[Textpart 2]
Qui? quia te noram.
DAVUS
Quasi tu dicas factum id consilio meo.
DAVUS
Non satis me pernosti etiam qualis sim Simo.
DAVUS
Sed si quid narrare occoepi, continuo dari
Tibi verba censes falso: itaque hercle nihil iam muttire audeo.
505
SIMO
Hoc ego scio unum neminem peperisse hic.
Sed nihilo setius mox deferent puerum huc ante ostium.
Id ego iam nunc tibi renuntio here futurum, ut sis sciens.
Ne tu hoc mihi posterius dicas Davi factum consilio aut dolis.
Prorsus a me opinionem hanc tuam esse ego amotam volo.
510
DAVUS
Audivi et credo: multa concurrunt simul
Qui coniecturam hanc nunc facio. Iam primum haec se e Pamphilo
Gravidam dixit esse; inventum est falsum: nunc, postquam videt
Nuptias domi apparari, missa est ancilla ilico
Obstetricem arcessitum ad eam, et puerum ut afferret simul.
515
Hoc nisi fit puerum ut tu videas, nihil moventur nuptiae.
