Perde 2
[Textpart 2]
Magnum signum.
DAVUS
Num videntur convenire haec nuptiis?
PAMPHILUS
Non opinor Dave.
DAVUS
Opinor narras? non recte accipis.
Certa res est. Etiam puerum inde abiens conveni Chremi
Olera et pisciculos minutos ferre obolo in coenam seni.
CHARINUS
Liberatus sum hodie Dave tua opera.
370
DAVUS
Ac nullus quidem.
370
CHARINUS
Quid ita? Nempe huic prorsus illam non dat.
Quasi necesse sit, si huic non dat, te illam uxorem ducere:
Nisi vides, nisi senis amicos oras, ambis.
Ibo: etsi hercle saepe iam me spes haec frustrata est. Vale.
[Textpart 3]
Quid igitur sibi vult pater? cur simulat?
375
DAVUS
Ego dicam tibi.
375
Si id succenseat nunc quia non det tibi uxorem Chremes,
Ipsus sibi esse iniurius videatur, neque id iniuria,
Prius quam tuum ut sese habeat animum ad nuptias perspexerit.
Sed si tu negaris ducere, ibi culpam in te transferet:
