Perde 2
[Textpart 6]
Nil propter hanc rem: sed est quod succenset tibi.
DAVUS
Ait nimium parce facere sumptum.
450
Vix, inquit, drachmis est obsonatum decem:
Num filio videtur uxorem dare?
Quem, inquit, vocabo ad coenam meorum aequalium
Potissimum nunc? et, quod dicendum hic siet,
Tu quoque perparce nimium. Non laudo.
455
SIMO
Ego istaec recte ut fiant videro.
Quidnam hoc rei est? quid hic vult veterator sibi?
Nam si hic mali est quicquam, hem illic est huic rei caput.
