Perde 2
[Textpart 6]
Portare, et ea me hic restitisse gratia.
DAVUS
Aeque quicquam nunc quidem.
SIMO
Atqui expectabam quidem.
435
DAVUS
Praeter spem evenit: sentio: hoc male habet virum.
SIMO
Potin es mihi verum dicere?
SIMO
Num illi molestae quippiam hae sunt nuptiae
Huiusce propter consuetudinem hospitae?
DAVUS
Nihil hercle: aut, si adeo, bidui est aut tridui
440
Haec sollicitudo: nosti: deinde desinet.
Etenim ipsus secum recta reputavit via.
DAVUS
Dum licitum est ei, dumque aetas tulit,
Amavit: tum id clam: cavit ne umquam infamiae
Ea res sibi esset, ut virum fortem decet:
445
Nunc uxore opus est: animum ad uxorem appulit.
SIMO
Subtristis visus est esse aliquantulum mihi.
