Perde 2
[Textpart 3]
Curabitur. Sed pater adest. Cave te esse tristem sentiat.
[Textpart 4]
Reviso quid agant aut quid captent consili.
DAVUS
Hic nunc non dubitat quin te ducturum neges.
405
Venit meditatus alicunde ex solo loco:
Orationem sperat invenisse se
Qui differat te: proin tu fac apud te ut sies.
PAMPHILUS
Modo ut possim Dave.
DAVUS
Crede inquam hoc mihi Pamphile,
Numquam hodie tecum commutaturum patrem
410
Unum esse verbum si te dices ducere.
[Textpart 5]
Herus me relictis rebus iussit Pamphilum
BYRRHIA
Hodie observare, ut quid ageret de nuptiis
Scirem: id propterea nunc hunc venientem sequor.
Ipsum adeo praesto video cum Davo: hoc agam.
415
SIMO
Utrumque adesse video.
DAVUS
Quasi de inproviso respice ad eum.
