Perde 1
[Textpart 5]
Coactum egestate ingenium immutarier?
275
MYSIS
Haud vereor si in te solo sit situm;
PAMPHILUS
Adeone me ignavum putas,
Adeone porro ingratum, aut inhumanum, aut ferum,
Ut neque me consuetudo neque amor neque pudor
Commoveat neque commoneat ut servem fidem?
280
MYSIS
Unum hoc scio, esse meritam ut memor esses sui.
PAMPHILUS
Memor essem? o Mysis Mysis, etiam nunc mihi
Scripta illa sunt in animo dicta Chrysidis
De Glycerio. Iam ferme moriens me vocat:
Accessi: vos semotae: nos soli: incipit:
285
Mi Pamphile, huius formam atque aetatem vides:
Nec clam te est quam illi utraeque res nunc utiles
Et ad pudicitiam et ad rem tutandam sient.
Quod ego te per hanc dextram oro et ingenium tuum,
Per tuam fidem, perque huius solitudinem,
290
Te obtestor, ne abs te hanc segreges neu deseras,
Si te in germani fratris dilexi loco,
