Stasimon 2
[Lyric-Scene 2]
μήτηρ ἂν αὐτῷ μᾶλλον εἴης ἢ γυνή.
1040
Νεᾶνις
ὥστʼ εἰ καταστήσεσθε τοῦτον τὸν νόμον,
τὴν γῆν ἅπασαν Οἰδιπόδων ἐμπλήσετε.
Γραῦς Α
ὦ παμβδελυρὰ φθονοῦσα τόνδε τὸν λόγον
ἐξηῦρες· ἀλλʼ ἐγώ σε τιμωρήσομαι.
Νεανίας
νὴ τὸν Δία τὸν σωτῆρα κεχάρισαί γέ μοι
1045
ὦ γλυκύτατον τὴν γραῦν ἀπαλλάξασά μου·
ὥστʼ ἀντὶ τούτων τῶν ἀγαθῶν εἰς ἑσπέραν
μεγάλην ἀποδώσω καὶ παχεῖάν σοι χάριν.
Γραῦς Β
αὕτη σὺ ποῖ τονδὶ παραβᾶσα τὸν νόμον
ἕλκεις, παρʼ ἐμοὶ τῶν γραμμάτων εἰρηκότων
1050
πρότερον καθεύδειν αὐτόν;
πόθεν ἐξέκυψας ὦ κάκιστʼ ἀπολουμένη;
τοῦτο γὰρ ἐκείνου τὸ κακὸν ἐξωλέστερον.
Νεανίας
μηδαμῶς με περιίδῃς
ἑλκόμενον ὑπὸ τῆσδʼ ἀντιβολῶ σʼ.
1055
Γραῦς Β
ἀλλʼ οὐκ ἐγώ,
1055
