Stasimon 1
Εὐριπίδης
νυνὶ γὰρ αὐτοῦ τοῦτό γʼ ἐκκεκόψεται.
Διόνυσος
ἴθι δὴ λέγʼ ἕτερον κἀπέχου τῆς ληκύθου.
Εὐριπίδης
Σιδώνιόν ποτʼ ἄστυ Κάδμος ἐκλιπὼν
1225
Αἰσχύλος
ληκύθιον ἀπώλεσεν.
Διόνυσος
ὦ δαιμόνιʼ ἀνδρῶν ἀποπρίω τὴν λήκυθον,
ἵνα μὴ διακναίσῃ τοὺς προλόγους ἡμῶν.
Διόνυσος
ἐὰν πείθῃ γʼ ἐμοί.
Εὐριπίδης
οὐ δῆτʼ, ἐπεὶ πολλοὺς προλόγους ἕξω λέγειν
1230
ἵνʼ οὗτος οὐχ ἕξει προσάψαι ληκύθιον.
Πέλοψ ὁ Ταντάλειος ἐς Πῖσαν μολὼν
Αἰσχύλος
ληκύθιον ἀπώλεσεν.
Διόνυσος
ὁρᾷς, προσῆψεν αὖθις αὖ τὴν λήκυθον.
ἀλλʼ ὦγάθʼ ἔτι καὶ νῦν ἀπόδος πάσῃ τέχνῃ·
1235
λήψει γὰρ ὀβολοῦ πάνυ καλήν τε κἀγαθήν.
Εὐριπίδης
μὰ τὸν Δίʼ οὔπω γʼ· ἔτι γὰρ εἰσί μοι συχνοί.
