Epeisodion 2
Γυνὴ Α
τί τῆς ἱερείας γίγνεται;
Γυνὴ Γ
ταλαντάτη Μίκκα τίς ἐξεκόρησέ σε;
760
τίς τὴν ἀγαπητὴν παῖδά σοὐξῃρήσατο;
Γυνὴ Α
ὁ πανοῦργος οὗτος. ἀλλʼ ἐπειδήπερ πάρει,
φύλαξον αὐτόν, ἵνα λαβοῦσα Κλεισθένη
τοῖσιν πρυτάνεσιν ἃ πεποίηχʼ οὗτος φράσω.
Μνησίλοχος
ἄγε δὴ τίς ἔσται μηχανὴ σωτηρίας;
765
τίς πεῖρα, τίς ἐπίνοιʼ; ὁ μὲν γὰρ αἴτιος
κἄμʼ ἐσκυλίσας ἐς τοιαυτὶ πράγματα
οὐ φαίνεταί πω. φέρε τίνʼ οὖν ἂν ἄγγελον
πέμψαιμʼ ἐπʼ αὐτόν; οἶδʼ ἐγὼ καὶ δὴ πόρον
ἐκ τοῦ Παλαμήδους· ὡς ἐκεῖνος, τὰς πλάτας
770
ῥίψω γράφων. ἀλλʼ οὐ πάρεισιν αἱ πλάται.
πόθεν οὖν γένοιντʼ ἄν μοι πλάται πόθεν; πόθεν;
τί δʼ ἂν εἰ ταδὶ τἀγάλματʼ ἀντὶ τῶν πλατῶν
γράφων διαρρίπτοιμι; βέλτιον πολύ.
ξύλον γέ τοι καὶ ταῦτα κἀκεῖνʼ ἦν ξύλον.
775
