Stasimon 1
[Lyric-Scene]
οὐ μαλθακιστέʼ ἀλλὰ περικαλυπτέα.
Σωκράτης
ἐξευρετέος γὰρ νοῦς ἀποστερητικὸς
Στρεψιάδης
οἴμοι τίς ἂν δῆτʼ ἐπιβάλοι
ἐξ ἀρνακίδων γνώμην ἀποστερητρίδα;
730
Σωκράτης
φέρε νυν ἀθρήσω πρῶτον ὅ τι δρᾷ τουτονί.
Στρεψιάδης
μὰ τὸν Ἀπόλλω ʼγὼ μὲν οὔ.
Στρεψιάδης
μὰ Δίʼ οὐ δῆτʼ ἔγωγʼ.
Στρεψιάδης
οὐδέν γε πλὴν ἢ τὸ πέος ἐν τῇ δεξιᾷ.
Σωκράτης
οὐκ ἐγκαλυψάμενος ταχέως τι φροντιεῖς;
735
Στρεψιάδης
περὶ τοῦ; σὺ γάρ μοι τοῦτο φράσον ὦ Σώκρατες.
Σωκράτης
αὐτὸς ὅ τι βούλει πρῶτος ἐξευρὼν λέγε.
Στρεψιάδης
ἀκήκοας μυριάκις ἁγὼ βούλομαι,
περὶ τῶν τόκων, ὅπως ἂν ἀποδῶ μηδενί.
Σωκράτης
ἴθι νῦν καλύπτου καὶ σχάσας τὴν φροντίδα
740
λεπτὴν κατὰ μικρὸν περιφρόνει τὰ πράγματα,
ὀρθῶς διαιρῶν καὶ σκοπῶν.
