Şiir 3
hic mihi nulla rosae spolia,
nullus aromate fragrat 1 odor,
sed liquor influit ambrosius
nectareamque fidem reddet
fusus ab usque Patris gremio.
25
sperne, Camena, leves hederas,
cingere tempora quis solita es,
sertaque mystica dactylico
texere docta liga strophio,
laude Dei redimita comas.
30
quod generosa potest anima,
lucis et aetheris indigena,
solvere dignius obsequium,
quam data munera si recinat
artificem modulata suum?
35
ipse homini quia cuncta dedit,
quae capimus dominante manu;
quae polus aut humus aut pelagus
aëre, gurgite, rure creant,
haec mihi subdidit, et sibi me.
40
