Κράσσος

Sections

1.1 – 2.2 2.3 – 2.6 2.7 – 3.2 3.3 – 4.1 4.2 – 4.5 5.1 – 5.4 6.1 – 6.3 6.4 – 6.6 6.7 – 7.3 7.4 – 7.7 7.8 – 8.2 8.3 – 9.3 9.4 – 9.6 9.7 – 10.2 10.3 – 10.6 11.1 – 11.3 11.4 – 11.6 11.7 – 12.1 12.2 – 12.4 13.1 – 13.4 14.1 – 14.4 14.5 – 15.2 15.3 – 15.5 16.1 – 16.3 16.4 – 17.1 17.2 – 17.4 17.5 – 18.1 18.2 – 18.4 18.5 – 19.4 19.5 – 20.1 20.2 – 21.3 21.4 – 21.6 21.7 – 22.2 22.3 – 22.6 23.1 – 23.4 23.5 – 24.1 24.2 – 24.5 24.6 – 25.2 25.3 – 25.6 25.7 – 25.10 25.11 – 26.2 26.3 – 26.5 26.6 – 27.2 27.3 – 27.5 27.6 – 28.1 28.2 – 28.5 29.1 – 29.4 29.5 – 29.7 30.1 – 30.4 30.5 – 31.2 31.3 – 31.6 31.7 – 32.3 32.4 – 33.2 33.3 – 33.5

İngilizce Yunanca

24.2 ὁ δὲ Σουρήνας μέγιστος καὶ κάλλιστος αὐτός, τῇ δὲ κατʼ ἀνδρείαν δόξῃ τὴν θηλύτητα τοῦ κάλλους οὐκ ἐοικώς, ἀλλὰ Μηδικώτερον ἐσκευασμένος ἐντρίμμασι προσώπου καὶ κόμης διακρίσει, τῶν ἄλλων Πάρθων ἔτι Σκυθικῶς ἐπὶ τὸ φοβερὸν τῷ ἀνασίλλῳτῷ ἀνασίλλῳ the correction of Schaefer (ἀνασίλλῳ Coraë s): τῶν ἀνασίλλων. κομώντων.

24.3 καὶ πρῶτον μὲν διενοοῦντο τοῖς κοντοῖς εἰσελαύνοντες ὠθεῖν καὶ βιάζεσθαι τοὺς προτάκτους· ὡς δʼ ἑώρων τό τε βάθος τοῦ συνασπισμοῦ καὶ τῶν ἀνδρῶν τὸ μόνιμον καὶ παρεστηκός, ἀνῆγον ὀπίσω καὶ σκίδνασθαι δοκοῦντες ἅμα καὶ διαλύειν τὴν τάξιν ἐλάνθανον ἐν κύκλῳ περιβάλλοντες τὸ πλινθίον αὐτῶν.

24.4 Κράσσου δὲ τοὺς ψιλοὺς ἐκδραμεῖν κελεύσαντος, οὗτοι μὲν οὐ πολὺ προῆλθον, ἀλλὰ πολλοῖς τοξεύμασιν ἐντυχόντες ταχὺ καὶ συμπαρέντες αὖθις ἐνεδύοντο τοῖς ὁπλίταις, καὶ παρεῖχον ἀκοσμίας ἀρχὴν καὶ δέους, ὁρῶσι τὸν τόνον τῶν ὀιστῶν καὶ τὴν ῥώμην ὅπλα τε ῥηγνύντων καὶ διὰ παντὸς φερομένων ὁμοίως ἀντιτύπου καὶ μαλακοῦ στεγάσματος.

24.5 οἱ δὲ Πάρθοι διαστάντες ἐκ μήκους ἤρξαντο τοξεύειν ἅμα πανταχόθεν, οὐ τὴν ἀκριβῆ τοξείαν ἡ γὰρ συνέχεια καὶ πυκνότης τῶν Ῥωμαίων οὐδὲ τῷ βουλομένῳ διαμαρτάνειν ἀνδρὸς παρεῖχεν, εὐτόνους δὲ τὰς πληγὰς καὶ βιαίους διδόντες ἀπὸ τόξων κραταιῶν καὶ μεγάλων καὶ τῇ σκολιότητι τῆς καμπῆς ἠναγκασμένον τὸ βέλος ἀποστελλόντων.

← Previous 37 / 54 Next →

Şifre Yenileme