Κράσσος

Sections

1.1 – 2.2 2.3 – 2.6 2.7 – 3.2 3.3 – 4.1 4.2 – 4.5 5.1 – 5.4 6.1 – 6.3 6.4 – 6.6 6.7 – 7.3 7.4 – 7.7 7.8 – 8.2 8.3 – 9.3 9.4 – 9.6 9.7 – 10.2 10.3 – 10.6 11.1 – 11.3 11.4 – 11.6 11.7 – 12.1 12.2 – 12.4 13.1 – 13.4 14.1 – 14.4 14.5 – 15.2 15.3 – 15.5 16.1 – 16.3 16.4 – 17.1 17.2 – 17.4 17.5 – 18.1 18.2 – 18.4 18.5 – 19.4 19.5 – 20.1 20.2 – 21.3 21.4 – 21.6 21.7 – 22.2 22.3 – 22.6 23.1 – 23.4 23.5 – 24.1 24.2 – 24.5 24.6 – 25.2 25.3 – 25.6 25.7 – 25.10 25.11 – 26.2 26.3 – 26.5 26.6 – 27.2 27.3 – 27.5 27.6 – 28.1 28.2 – 28.5 29.1 – 29.4 29.5 – 29.7 30.1 – 30.4 30.5 – 31.2 31.3 – 31.6 31.7 – 32.3 32.4 – 33.2 33.3 – 33.5

İngilizce Yunanca

11.4 Σπαρτάκῳ δὲ μετὰ τὴν τούτων ἧτταν ἀναχωροῦντι πρὸς τὰ ὄρη τὰ Πετηλῖνα, Κόιντος τῶν περὶ Κράσσον ἡγεμόνων καὶ Σκρώφας ταμίας ἐξαπτόμενοι παρηκολούθουν. ἐπιστρέψαντος δὲ γίνεται φυγὴ μεγάλη τῶν Ῥωμαίων, καὶ μόλις τρωθέντα τὸν ταμίαν ἁρπάσαντες ἀπεσώθησαν. τοῦτο τὸν Σπάρτακον ἀπώλεσε τὸ κατόρθωμα, φρονήματος ἐπιγενομένου τοῖς δραπέταις.

11.5 οὐκέτι γὰρ ἠξίουν φυγομαχεῖν οὐδʼ ἐπείθοντο τοῖς ἄρχουσιν, ἀλλʼ ἤδη καθʼ ὁδὸν ὄντας ἐν τοῖς ὅπλοις περισχόντες ἠνάγκασαν αὖθις ὀπίσω διὰ τῆς Λευκανίας ἄγειν ἐπὶ τοὺς Ῥωμαίους, εἰς ταὐτὸ τῷ Κράσσῳ σπεύδοντες. ἤδη γὰρ ὁ Πομπήιος προσιὼν ἀπηγγέλλετο· καὶ δὴ ἀρχαιρεσιάζοντες ἦσαν οὐκ ὀλίγοι τὴν νίκην ἐκείνῳ τοῦ πολέμου προσήκειν ἐλθόντα γὰρ εὐθὺς μαχεῖσθαι καὶ καταλύσειν τὸν πόλεμον. ἐπειγόμενος οὖν διαγωνίσασθαι καὶ παραστρατοπεδεύσας τοῖς πολεμίοις ὤρυττε τάφρον, πρὸς ἣν ἐκπηδῶντες οἱ δοῦλοι προσεμάχοντο τοῖς ἐργαζομένοις.

11.6 ἀεὶ δὲ πλειόνων ἑκατέρωθεν ἐκβοηθούντων ὁρῶν τὴν ἀνάγκην ὁ Σπάρτακος ἅπαν παρέταξε τὸ στράτευμα. καὶ πρῶτον μὲν τοῦ ἵππου προσαχθέντος αὐτῷ σπασάμενος τὸ ξίφος καὶ εἰπών ὅτι νικῶν μὲν ἔχοι πολλοὺς ἵππους καὶ καλοὺς τῶν πολεμίων, ἡττώμενος δὲ οὐ δεῖται, κατέσφαξε τὸν ἵππον· ἔπειτα πρὸς Κράσσον αὐτὸν ὠθούμενος διὰ πολλῶν ὅπλων καὶ τραυμάτων ἐκείνου μὲν οὐκ ἔτυχεν, ἑκατοντάρχας δὲ δύο συμπεσόντας ἀνεῖλε.

← Previous 17 / 54 Next →

Şifre Yenileme