Ἀριστείδης

Sections

1.1 – 1.4 1.5 – 1.9 2.1 – 2.4 2.5 – 3.2 3.3 – 4.2 4.3 – 5.1 5.2 – 5.5 5.6 – 6.1 6.2 – 6.4 7.1 – 7.3 7.4 – 7.6 8.1 – 8.4 8.5 – 9.1 9.2 – 10.1 10.2 – 10.4 10.5 – 10.8 11.1 – 11.4 11.5 – 11.8 11.9 – 12.2 13.1 – 14.1 14.2 – 14.4 14.5 – 15.1 15.2 – 15.5 16.1 – 16.3 16.4 – 16.6 17.1 – 17.4 17.5 – 17.8 18.1 – 18.3 18.4 – 19.1 19.2 – 19.5 19.6 – 20.1 20.2 – 20.4 20.5 – 21.1 21.2 – 21.4 22.1 – 23.1 23.2 – 23.4 23.5 – 24.1 24.2 – 24.3 24.4 – 25.2 25.3 – 25.5 25.6 – 26.1 26.2 – 27.1 27.2 – 27.4

İngilizce Yunanca

10.2 νενικήκατε θαλασσίοις ξύλοις χερσαίους ἀνθρώπους οὐκ ἐπισταμένους κώπην ἐλαύνειν· ἀλλὰ νῦν πλατεῖα μὲν ἡ Θετταλῶν γῆ, καλὸν δὲ τὸ Βοιώτιον πεδίον ἀγαθοῖς ἱππεῦσι καὶ ὁπλίταις ἐναγωνίσασθαι. πρὸς δὲ Ἀθηναίους ἔπεμψεν ἰδίᾳ γράμματα καὶ λόγους παρὰ βασιλέως, τήν τε πόλιν αὐτοῖς ἀναστήσειν ἐπαγγελλομένου καὶ χρήματα πολλὰ δώσειν καὶ τῶν Ἑλλήνων κυρίους καταστήσειν ἐκποδὼν τοῦ πολέμου γενομένους.

10.3 οἱ δὲ Λακεδαιμόνιοι πυθόμενοι ταῦτα καὶ δείσαντες ἔπεμψαν Ἀθήναζε πρέσβεις, δεόμενοι τῶν Ἀθηναίων, ὅπως παῖδας μὲν καὶ γυναῖκας εἰς Σπάρτην ἀποστείλωσι, τοῖς δὲ πρεσβυτέροις τροφὰς παρʼ αὐτῶν λαμβάνωσιν· ἰσχυρὰ γὰρ ἦν ἀπορία περὶ τὸν δῆμον ἀπολωλεκότα καὶ τὴνκαὶ τὴν Hercher and Blass with FaS: τὴν. χώραν καὶ τὴν πόλιν.

10.4 οὐ μὴν ἀλλὰ τῶν πρέσβεων ἀκούσαντες, Ἀριστείδου ψήφισμα γράψαντος, ἀπεκρίναντο θαυμαστὴν ἀπόκρισιν, τοῖς μὲν πολεμίοις συγγνώμην ἔχειν φάσκοντες, εἰ πάντα πλούτου καὶ χρημάτων ὤνια νομίζοιεν, ὧν κρεῖττον οὐδὲν ἴσασιν, ὀργίζεσθαι δὲ Λακεδαιμονίοις, ὅτι τὴν πενίαν καὶ τὴν ἀπορίαν τὴν νῦν παροῦσαν Ἀθηναίοις μόνον ὁρῶσι, τῆς δʼ ἀρετῆς καὶ τῆς φιλοτιμίας ἀμνημονοῦσιν ἐπὶ σιτίοις ὑπὲρ τῆς Ἑλλάδος ἀγωνίζεσθαι παρακαλοῦντες.

← Previous 15 / 43 Next →

Şifre Yenileme