Μάρκελλος

Sections

1.1 – 2.1 2.2 – 2.4 3.1 – 3.3 3.4 – 4.2 4.3 – 5.2 5.3 – 6.2 6.3 – 6.5 6.6 – 7.2 7.3 – 7.5 8.1 – 8.3 8.4 – 8.6 9.1 – 9.4 10.1 – 10.3 10.4 – 11.2 11.3 – 12.1 12.2 – 12.3 13.1 – 13.4 13.5 – 14.2 14.3 – 14.5 14.6 – 14.9 15.1 – 15.3 15.4 – 16.1 16.2 – 17.2 17.3 – 17.5 17.6 – 18.2 18.3 – 19.2 19.3 – 19.5 19.6 – 20.3 20.4 – 20.6 20.7 – 21.2 21.3 – 22.1 22.2 – 22.4 22.5 – 23.3 23.4 – 23.7 24.1 – 24.3 24.4 – 24.6 24.7 – 25.2 25.3 – 25.6 26.1 – 26.3 26.4 – 27.3 27.4 – 28.3 29.1 – 29.4 29.5 – 29.8 29.9 – 30.3 30.4 – 30.6

İngilizce Yunanca

7.3 ἀποπηδήσας δὲ τοῦ ἵππου, καὶ τῶν ὅπλων τοῦ νεκροῦ ταῖς χερσὶν ἐφαψάμενος, πρὸς τὸν οὐρανὸν εἶπεν· ὦ μεγάλα στρατηγῶν καὶ ἡγεμόνων ἔργα καὶ πράξεις ἐπιβλέπων ἐν πολέμοις καὶ μάχαις Φερέτριε Ζεῦ, μαρτύρομαί σε Ῥωμαίων τρίτος ἄρχων ἄρχοντα καὶ βασιλέα στρατηγὸς ἰδίᾳ χειρὶ τόνδε τὸν ἄνδρα κατεργασάμενος καὶ Κτείνας σοὶ καθιεροῦν τὰ πρῶτα καὶ κάλλιστα τῶν λαφύρων, σὺ δὲ δίδου τύχην ὁμοίαν ἐπὶ τὰ λοιπὰ τοῦ πολέμου προτρεπομένοις.

7.4 ἐκ τούτου συνέμισγον οἱ ἱππεῖς οὐ διακεκριμένοις τοῖς ἱππεῦσιν, ἀλλὰ καὶ πρὸς τοὺς πεζοὺς ὁμοῦ προσφερομένους μαχόμενοι, καὶ νικῶσι νίκην ἰδέᾳ τε καὶ τρόπῳ περιττὴν καὶ παράδοξον ἱππεῖς γὰρ ἱππεῖς καὶ πεζοὺς ἅμα τοσοῦτοι τοσούτους οὔτε πρότερον οὔτε ὕστερον νικῆσαι λέγονται, Κτείνας δὲ τοὺς πλείστους καὶ κρατήσας ὅπλων καὶ χρημάτων ἐπανῆλθε πρὸς τὸν συνάρχοντα μοχθηρῶς πολεμοῦντα Κελτοῖς περὶ πόλιν μεγίστην καὶ πολυανθρωποτάτην τῶν Γαλατικῶν.

7.5 Μεδιόλανον καλεῖται, καὶ μητρόπολιν αὐτὴν οἱ τῇδε Κελτοὶ νομίζουσιν· ὅθεν ἐκθύμως μαχόμενοι περὶ αὐτῆς ἀντεπολιόρκουν τὸν Κορνήλιον. ἐπελθόντος δὲ Μαρκέλλου, καὶ τῶν Γαισατῶν, ὡς ἐπύθοντο τὴν τοῦ βασιλέως ἧτταν καὶ τελευτήν, ἀπελθόντων, τὸ μὲν Μεδιόλανον ἁλίσκεται, τὰς δὲ ἄλλας πόλεις αὐτοὶ παραδιδόασιν οἱ Κελτοὶ καὶ τὰ καθʼ ἑαυτοὺς ἐπιτρέπουσι πάντα Ῥωμαίοις. καὶ τούτοις μὲν ἦν εἰρήνη μετρίων τυχοῦσι.

← Previous 9 / 45 Next →

Şifre Yenileme