Περικλῆς

Sections

1.1 – 1.3 1.4 – 2.1 2.2 – 2.4 3.1 – 3.4 4.1 – 4.3 4.4 – 5.2 5.3 – 6.1 6.2 – 6.4 7.1 – 7.4 7.5 – 8.1 8.2 – 8.4 8.5 – 9.1 9.2 – 9.4 10.1 – 10.4 10.5 – 11.1 11.2 – 11.4 11.5 – 12.2 12.3 – 12.6 12.7 – 13.3 13.4 – 13.5 13.6 – 13.8 13.9 – 13.12 14.1 – 15.2 15.3 – 15.5 16.1 – 16.3 16.4 – 16.6 16.7 – 17.2 17.3 – 18.3 19.1 – 19.4 20.1 – 21.1 21.2 – 22.2 22.3 – 23.2 24.1 – 24.3 24.4 – 24.6 24.7 – 25.2 25.3 – 26.2 26.3 – 27.2 27.3 – 28.2 28.3 – 28.6 29.1 – 29.3 29.4 – 30.1 30.2 – 31.1 31.2 – 31.4 31.5 – 32.2 32.3 – 33.2 33.3 – 33.6 33.7 – 34.2 34.3 – 35.1 35.2 – 35.4 36.1 – 36.3 36.4 – 37.2 37.3 – 37.5 38.1 – 38.4 39.1 – 39.3 39.4 – 39.5

İngilizce Yunanca

29.1 μετὰ ταῦτα κυμαίνοντος ἤδη τοῦ Πελοποννησιακοῦ πολέμου, Κερκυραίοις πολεμουμένοις ὑπὸ Κορινθίων ἔπεισε τὸν δῆμον ἀποστεῖλαι βοήθειαν καὶ προσλαβεῖν ἐρρωμένην ναυτικῇ δυνάμει νῆσον, ὡς ὅσον οὐδέπω Πελοποννησίων ἐκπεπολεμωμένων πρὸς αὐτούς.

29.2 ψηφισαμένου δὲ τοῦ δήμου τὴν βοήθειαν ἀπέστειλε δέκα ναῦς μόνας ἔχοντα Λακεδαιμόνιον, τὸν Κίμωνος υἱόν, οἷον ἐφυβρίζων· πολλὴ γὰρ ἦν εὔνοια καὶ φιλία τῷ Κίμωνος οἴκῳ πρὸς Λακεδαιμονίους. ὡς ἂν οὖν, εἰ μηδὲν ἔργον μέγα μηδʼ ἐκπρεπὲς ἐν τῇ στρατηγίᾳ τοῦ Λακεδαιμονίου γένοιτο, προσδιαβληθείη μᾶλλον εἰς τὸν λακωνισμόν, ὀλίγας αὐτῷ ναῦς ἔδωκε καὶ μὴ βουλόμενον ἐξέπεμψε.

29.3 καὶ ὅλως διετέλει κολούων ὡς μηδὲ τοῖς ὀνόμασι γνησίους, ἀλλʼ ὀθνείους καὶ ξένους, ὅτι τῶν Κίμωνος υἱῶν τῷ μὲν ἦν Λακεδαιμόνιος ὄνομα, τῷ δὲ Θεσσαλός, τῷ δὲ Ἠλεῖος. ἐδόκουν δὲ πάντες ἐκ γυναικὸς Ἀρκαδικῆς γεγονέναι. κακῶς οὖν ὁ Περικλῆς ἀκούων διὰ τὰς δέκα ταύτας τριήρεις, ὡς μικρὰν μὲν βοήθειαν τοῖς δεηθεῖσι, μεγάλην δὲ πρόφασιν τοῖς ἐγκαλοῦσι παρεσχηκώς, ἑτέρας αὖθις ἔστειλε πλείονας εἰς τὴν Κέρκυραν, αἳ μετὰ τὴν μάχην ἀφίκοντο.

← Previous 40 / 55 Next →

Şifre Yenileme