Νομᾶς

Sections

1.1 – 1.4 2.1 – 2.4 2.5 – 3.1 3.2 – 3.4 3.5 – 4.1 4.2 – 4.5 4.6 – 5.1 5.2 – 5.4 5.5 – 6.2 6.3 – 7.1 7.2 – 7.4 7.5 – 8.2 8.3 – 8.6 8.7 – 8.9 8.10 – 9.2 9.3 – 9.5 9.6 – 9.8 10.1 – 10.3 10.4 – 10.6 10.7 – 11.2 12.1 – 12.3 12.4 – 12.6 12.7 – 13.2 13.3 – 13.5 13.6 – 14.1 14.2 – 14.3 14.4 – 15.1 15.2 – 15.4 15.5 – 16.1 16.2 – 16.4 17.1 – 17.4 18.1 – 18.4 19.1 – 19.3 19.4 – 20.1 20.2 – 20.5 20.6 – 20.8 21.1 – 21.4 22.1 – 22.4 22.4 – 22.6 22.7 – 22.7

İngilizce Yunanca

9.6 ἐὰν δὲ ὑπὸ τύχης τινὸς ἐκλίπῃ, καθάπερ Ἀθήνησι μὲν ἐπὶ τῆς Ἀριστίωνος λέγεται τυραννίδος ἀποσβεσθῆναι τὸν ἱερὸν λύχνον, ἐν Δελφοῖς δὲ τοῦ ναοῦ καταπρησθέντος ὑπὸ Μήδων, περὶ δὲ τὰ Μιθριδατικὰ καὶ τὸν ἐμφύλιον Ῥωμαίων πόλεμον ἅμα τῷ βωμῷ τὸ πῦρ ἠφανίσθη, οὔ φασι δεῖν ἀπὸ ἑτέρου πυρὸς ἐναύεσθαι, καινὸν δὲ ποιεῖν καὶ νέον, ἀνάπτοντας ἀπὸ τοῦ ἡλίου φλόγα καθαρὰν καὶ ἀμίαντον.

9.7 ἐξάπτουσι δὲ μάλιστα τοῖς σκαφείοις, ἃ κατασκευάζεται μὲν ἀπὸ πλευρᾶς ἰσοσκελοῦς ὀρθογωνίου τριγώνου κοιλαινόμενα, συννεύει δ’ εἰς ἓν ἐκ τῆς περιφερείας κέντρον. ὅταν οὖν θέσιν ἐναντίαν λάβῃ πρὸς τὸν ἥλιον, ὥστε τὰς αὐγὰς πανταχόθεν ἀνακοπτομένας ἀθροίζεσθαι καὶ συμπλέκεσθαι περὶ τὸ κέντρον, αὐτόν τε διακρίνει τὸν ἀέρα λεπτυνόμενον, καὶ τὰ κουφότατα καὶ ξηρότατα τῶν προστιθεμένων ὀξέως ἀνάπτει κατὰ τὴν ἀντέρεισιν, σῶμα καὶ πληγὴν πυρώδη τῆς αὐγῆς λαβούσης.

9.8 ἔνιοι μὲν οὖν οὐδὲν ὑπὸ τῶν ἱερῶν παρθένων ἀλλʼ ἢ τὸ ἄσβεστον ἐκεῖνο φρουρεῖσθαι πῦρ νομίζουσιν ἔνιοι δὲ εἶναί τινὰ φασιν ἀθέατα τοῖς ἄλλοις ἱερὰ κρυπτόμενα, περὶ ὧν ὅσα καὶ πυθέσθαι καὶ φράσαι θεμιτὸν ἐν τῷ Καμίλλου βίῳ γέγραπται.

← Previous 17 / 40 Next →

Şifre Yenileme